متغرب " عاميه "

رغم انى عارف كلمتى ** فى الغربه ممكن تنتحر

رغم انى خايف نبرتى ** ممكن مع الليل تنصهر

لكن باقولك صدقى ** انى فى بحبك ببتكر

اسمك بضوئه يشدنى ** يلحقنى قبل ما أنكسر

عاشق ومن غيرك يتوه ** وبنور عنيكي بينتصر

مجنون بيتكبلك بشوق ** كسبان ومن غيرك خسر

قلبى الى كان فرحان زمان ** من شوقه ليكي بيتعصر

هاتلاقى ايه غيرك ماليه ** لو ينطوى او ينتشر

الغربه من حزنه اشتكت ** بتقوله حاسب تندثر

يا حزمة من ضوء السما ** بتضوى عندى وتنتشر

قولت اما الملم قصتى ** لعنيكى ممكن تفتكر

عندى الكلام جواه كلام ** فى حيك انتى بيتئسر

بنزح بحور من غربتى ** بعنيكى ممكن تنحصر

لو شايفه ان كلامى كان ** مش كافى ممكن اعتذر