تُك تُك " عامية "

اى بلد فى الدنيا تلاقى

يوم عن يوم تطلع قدام

الا بلدنا جميله ولكن

زى لوكانده بدون حمام

مره نزلت اتمشى شويه

شفت معارك ولا فيتنام

واحده تخينه وركبت تك تك

ولا كلمه ولا رد سلام

حب صاحبنا يلف بغرزه

يمكن فاكره حصان بزمام

نطر الست فى وسط الشارع

ردحت طبعا احلى كلام

دا مواصله ولا دى تعذيبه

حاجه جديده للاعدام

عرض الشارع مللى وخلفك

عربيه وتك تك قدام

والناس بتكمل وتواصل

ازاى .. سبحان العلام