مافيش مانع
تعيش فى سكوت .
تبيع الحلم قبل الموت
وترجع تدور فى نفس الدايرة من غير صوت
مافيش مانع
تِقَّفل عليك بيبان الدار
وتضرب على ودنك حصار وحصار
خايف لحد يردد عندها " الأحرار "
مافيش مانع
تشوف الصورة بالمقلوب
وتعتب على صبيان بتحدف طوب
وتجرى تعلق الباقى على المكتوب
مافيش مانع
تخاف مرة يبقى الكلام مكشوف
يمكن هزيمتك تيجى فى يوم
يشيلها الخوف
مافيش مانع
تحاول مرة تقلد همة المكفوف
2 التعليقات:
مفيش مانع أكون حيران
مفيش مانع أهد امال
مفيش مانع تموت الضحكه في السكه
و أرجع للحياه عطشان
كلمات جميله اخى
بالتوفيق دائما
الله كلمات حلوة و جميلة
يسلم قلمك .
إرسال تعليق