يا خسارة
كل الى مر فى يومى مطير الإبداع
دماغى فى التلاجة بوصل ورقم إيداع
من مين وليه اشترى انا راسى
يا خسارة الى اشترى ويا وكسة الى باع
-------
يا خسارة
بيبان الود بفتحها وفى ثانية سدوها
تلال عشم فى سنين وفى ليلة هدوها
يا خسارة الكلمة تفضل سنين جواك
طب ليه انا قلتها وانا خايف يردوها
------
يا خسارة
النيل بيحدف ميته ويقولى هديها
الحلم زى القناية وازاى أعديها
لفيت افادى الخطر زى ما قالوا زمان
رجعت كان القدر دمر مجاريها